काठमान्डौँ, ५ फागुन । योगेश भट्टराईले भदौ २३ र २४ गते भएका घटनामा नवयुवाहरूको ज्यान जानुमा राज्यको गम्भीर असावधानी र कमजोरी रहेको बताएका छन् ।
नेपाल कम्युनिस्ट पार्टी (एमाले)का उपमहासचिव भट्टराईले एक भिडिओ सन्देशमार्फत जेनजी आन्दोलन क्रममा २३ गते राज्यको कमजोरीका कारण दुःखद घटना भएको र २४ गते राज्यविरुद्ध संगठित अपराध र षड्यन्त्रसमेत देखिएको दाबी गरे ।
उनले जेनजी आन्दोलनका बेला गृह मन्त्रालय नेपाली कांग्रेसको नेतृत्वमा रहेकाले राज्यका कमीकमजोरीको जिम्मेवारी एमाले एक्लैले लिन नहुने स्पष्ट पारे । निर्वाचनको मुखमा एमाले र जेनजी नवयुवाबीचको वैमनस्यता दीर्घकालीन बन्न नहुने उनको भनाइ छ ।
