जनकपुर, १८ माघ । नेपाली कांग्रेसका पूर्वसहमहामन्त्री महेन्द्र यादवले पार्टी सभापति गगन थापा सर्लाही–४ बाट चुनाव लड्न आउनु मधेसकै सौभाग्य भएको बताएका छन् ।
यादवले गगन थापाप्रति मधेसी जनताको भरोसा उच्च रहेको दाबी गरे । यादवले कांग्रेस एकताबद्ध भइसकेको भन्दै मधेस प्रदेशका ३२ निर्वाचन क्षेत्रमा यसपटक कांग्रेसले दुईतिहाइ सिट जित्ने आकलन गरे ।
धनुषा–४ मा आफ्नो चुनावी तयारी मजबुत रहेको उल्लेख गर्दै उनले विगतमा भएको पार्टीभित्रको बेमेल अब समाप्त भएको र मतदाताको समर्थन आफ्नो पक्षमा रहेको दाबी गरे ।
