काठमाडौँ, १८ माघ । राष्ट्रपति रामचन्द्र पौडेल आइतबारदेखि माघ २१ गतेसम्म जापानको औपचारिक भ्रमणमा जाने भएका छन् ।
नेपाल–जापान कूटनीतिक सम्बन्ध स्थापनाको ७०औँ वर्षगाँठका अवसरमा जापान सरकारको निमन्त्रणामा उनी नेपाली प्रतिनिधिमण्डलको नेतृत्व गर्दै जापान प्रस्थान गर्न लागेका हुन् ।
भ्रमणका क्रममा राष्ट्रपति पौडेलले जापानका सम्राट नारुहितोसँग राजकीय शिष्टाचार भेट गर्ने तथा प्रधानमन्त्री ताकाइची सानाएसँग भेटवार्ता गर्ने कार्यक्रम छ ।
साथै, ७०औँ वार्षिकोत्सवका अवसरमा आयोजित विशेष समारोह, जापानी व्यावसायिक समुदायसँगको बैठक र जापानस्थित नेपाली राजदूतावासको स्वागत कार्यक्रममा पनि उनी सहभागी हुनेछन् ।
