काठमाडौँ, १७ माघ । नेकपा (एमाले)का अध्यक्ष तथा पूर्वप्रधानमन्त्री केपी शर्मा ओलीले निर्वाचनअघि संसद् पुनःस्थापना वा निर्वाचनसम्बन्धी विषयमा सर्वोच्च अदालतले अविलम्ब फैसला गर्नुपर्ने बताएका छन् ।
ओखलढुंगा–काठमाडौं सम्पर्क मञ्चद्वारा आयोजित प्रतिनिधिसभा निर्वाचन केन्द्रित कार्यकर्ता भेलामा बोल्दै उनले असंवैधानिक गतिविधिविरुद्ध दायर निवेदनमा अदालत मौन बस्न नमिल्ने बताए ।
भदौ २३ र २४ गतेको घटनाले देशलाई संकटमा पारेको र असंवैधानिक ढंगले सरकार गठन तथा संसद् विघटन गरिएको आरोप लगाउँदै ओलीले अदालतको मौनताले संवैधानिक संस्थामाथि प्रश्न उठ्ने चेतावनी दिए ।
साथै, सरकारले निश्चित व्यक्तिलाई जिताउने नियतले निर्वाचन गराए त्यस्तो निर्वाचन अस्वीकार्य हुने बताए ।
