जनकपुर, १७ माघ । जनकपुरमा बढ्दो फुटपाथ अतिक्रमणविरुद्ध पत्रकार ध्रुब झाको नेतृत्व र पहलमा हस्ताक्षर अभियान सुरु गरिएको छ ।
पैदल यात्रुको सुरक्षित हिँडडुलमा बाधा पु¥याउँदै आएको अव्यवस्थित व्यापार र अतिक्रमण हटाउन प्रशासनलाई दबाब दिने उद्देश्यले अभियान अघि बढाइएको हो ।
ध्रुब झाले विगत डेढ वर्षदेखि निरन्तर रूपमा फुटपाथ अतिक्रमणको विषय उठाउँदै आएका छन् । उनले यो समस्या सौन्दर्यभन्दा बढी नागरिक अधिकारसँग जोडिएको विषय भएको उल्लेख गर्दै नागरिक दबाबमार्फत समाधान खोज्न अभियान सुरु गरिएको बताए ।
धनुषा निर्वाचन क्षेत्र नं. ३ बाट जसपाका प्रतिनिधिसभा उम्मेदवार परमेश्वर साहसहित स्थानीय नागरिक, व्यापारी र सामाजिक अभियन्ताको सहभागितामा अभियान सञ्चालन गरिएको हो ।
हस्ताक्षर संकलनपछि सम्बन्धित निकायलाई ज्ञापनपत्र बुझाइने तयारी रहेको बुझिएको छ ।
