काठमाडौं, १७ माघ । उपराष्ट्रपति रामसहायप्रसाद यादवले आगामी फागुन २१ गते हुने प्रतिनिधिसभा सदस्य निर्वाचनमा प्रत्येक मतदाताले स्वतन्त्र, निष्पक्ष र भयरहित वातावरणमा मतदान गर्न पाउने सुनिश्चितता गर्नुपर्ने बताएका छन् ।
शनिबार सिंहदरबारमा आयोजित कार्यक्रममा उनले यस्तो वातावरण संघीय लोकतान्त्रिक गणतन्त्रको आधार भएको उल्लेख गरे ।
उनले निर्वाचनलाई सफल बनाउन सञ्चारमाध्यमको भूमिका महत्वपूर्ण रहेको बताउँदै सही सूचना प्रवाह, मतदाताको सचेतना अभिवृद्धि र शान्तिपूर्ण वातावरण निर्माणमा पत्रकारिताले सक्रिय भूमिका खेल्नुपर्ने धारणा राखे ।
साथै डिजिटल माध्यममार्फत जनतासम्म पुग्नुपर्ने आवश्यकता पनि औंल्याए ।
