काठमाडौं, १७ माघ । नेपाली कांग्रेसका सभापति गगन थापाले अब कांग्रेसले ‘फोहोरी गठबन्धन’को राजनीति नगर्ने स्पष्ट पारेका छन्।
निर्वाचन परिचालन मूल समिति घोषणा कार्यक्रममा बोल्दै उनले सत्ता टिकाउन नाजायज सम्झौता गर्न नहुने जनताको चाहना रहेको बताए ।
थापाले पार्टीलाई केवल चुनाव जित्ने मेसिनका रूपमा होइन, नयाँ पुस्ताको चाहनाअनुसार रूपान्तरण गर्ने संकल्प गरिएको उल्लेख गरे ।
उनले कांग्रेसको नयाँ यात्रा सुरु भएको बताउँदै अब उम्मेदवारी टिकट तल्लो तहबाटै वितरण गरिने नीति अपनाइने जानकारी दिए ।
