काठमाडौं, १७ माघ । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन)को काठमाडौंस्थित निजी निवासमा तोडफोड भएको छ ।
शुक्रबार राति अज्ञात समूहले घरको मुख्य गेटको ग्रिल फुटाएको पाइएको प्रहरीले जनाएको छ । प्रहरी परिसर काठमाडौंका डीएसपी कौशल बुढाथोकीका अनुसार रातिको समयमा घरको गेटमा क्षति पुगेको सूचना प्राप्त भएपछि प्रहरी टोली घटनास्थल पुगेको थियो ।
प्रारम्भिक अनुसन्धानमा चोरीको उद्देश्यले गेट फुटाइएको हुनसक्ने आशंका गरिएको छ । यद्यपि, हालसम्म के–कति सामग्री चोरी भयो वा भएन भन्ने विषय यकिन भइसकेको छैन ।
घटनाको समयमा घरमा को–को थिए भन्नेबारे पनि जानकारी संकलन भइरहेको प्रहरीले जनएको छ । डीएसपी बुढाथोकीले भने, “चोरीको आशंकामा सबै पक्षबाट अनुसन्धान भइरहेको छ, सीसीटीभी फुटेजलगायत प्रमाणहरू संकलन गर्ने काम भइरहेको छ ।
झापा–५ बाट प्रतिनिधिसभा सदस्यको निर्वाचन लडेका बालेन शाह हाल चुनावी प्रचारप्रसारका लागि कर्णाली प्रदेशमा रहेका छन् ।
