सर्लाही, १२ माघ । नेपाली कांग्रेसका सभापति तथा सर्लाही–४ का उम्मेदवार गगनकुमार थापा सोमबार निर्वाचन क्षेत्रमा पुगेका छन् ।
धनकौलस्थित पार्टी कार्यालयमा उनले आफू सेवकका रूपमा जनताको बीचमा काम गर्न आएको भन्दै शिक्षा, स्वास्थ्यलगायत क्षेत्रमा पाँच वर्ष निरन्तर काम गर्ने प्रतिबद्धता जनाए ।
तीन दिनसम्म मतदातासँग भेटघाट गर्ने कार्यक्रम रहेको थापा काठमाडौंबाट सिमरा हुँदै सर्लाही पुगेका हुन् ।
उनी रास्वपाबाट उम्मेदवार बनेका निवर्तमान सांसद अमरेशकुमार सिंहसँग चुनावी प्रतिस्पर्धामा छन् ।
