जनकपुर, १२ माघ । रौतहट क्षेत्र नं ४ बाट प्रतिनिधिसभा सदस्यका उम्मेदवार राज कुमार दास तत्मा यतिबेला चुनावी अभियानलाई तीव्र बनाउँदै कार्यकर्ता भेटघाटमा व्यस्त देखिएका छन् ।
जनता समाजवादी पार्टी नेपालका तर्फबाट उम्मेदवार रहेका दासले गाउँ–गाउँ पुगेर कार्यकर्तासँग छलफल गर्दै पार्टीको नीति, कार्यक्रम र आगामी योजनाबारे जानकारी गराइरहेका छन् ।
आगामी फागुन २१ गते हुने प्रतिनिधिसभा निर्वाचनलाई लक्षित गर्दै उनले स्थानीय मतदातासँग प्रत्यक्ष संवादमा जोड दिएका छन् ।
भेटघाटका क्रममा दासले क्षेत्रको विकास, रोजगारी, शिक्षा, स्वास्थ्य र पूर्वाधार सुधारलाई आफ्नो प्राथमिक एजेन्डा बनाएको बताएका छन् ।
उनले कार्यकर्तालाई संगठित र सक्रिय बन्न आग्रह गर्दै चुनावी अभियानलाई जनमुखी बनाउने प्रतिबद्धता व्यक्त गरेका छन् । कार्यकर्ता भेटघाट कार्यक्रमले क्षेत्र नं ४ मा चुनावी माहोल तातिँदै गएको देखिएको छ ।
