काठमाडौं, ५ माघ । मधेश प्रदेशका पूर्वमुख्यमन्त्री सतिश सिंहले प्रदेशसभा सदस्य पदबाट राजीनामा दिएका छन् ।
उनले जनमत पार्टीको साधारण सदस्यता समेत त्यागेको घोषणा गरेका छन् । प्रतिनिधिसभा निर्वाचनका लागि सिंहले आफ्ना दाइ सत्यवानकुमार सिंहको नेतृत्वमा दर्ता गरिएको स्वाभिमान पार्टीबाट उम्मेदवार बन्ने तयारी गरेका छन् ।
उनी २०७९ को निर्वाचनमा जनमत पार्टीबाट मधेश प्रदेशसभा सदस्य निर्वाचित भएका थिए । पार्टीभित्र लामो समयदेखि मतभेद रहँदै आएको सिंह जनमतसँगको विवादपछि अलग भएका हुन्।
उनी यसअघि सप्तरीको तिलाठी कोइलाडी गाउँपालिकाको अध्यक्ष समेत रहिसकेका छन् ।
