काठमाडौ, २६ पुस । नेकपा एमालेका अध्यक्ष केपी शर्मा ओलीले उम्मेदवार छनोटका क्रममा देखिएका आन्तरिक असन्तुष्टि र स–साना अन्तरविरोधले चुनावी जित नै प्रभावित गर्न सक्ने भन्दै पार्टी पंक्तिलाई संयम र एकतामा रहन निर्देशन दिएका छन् ।
केन्द्रीय कमिटी बैठकलाई सम्बोधन गर्दै ओलीले पार्टीको जितका लागि आन्तरिक अनुशासन र एकता निर्णायक हुने बताए । समानुपातिकतर्फ तोकिएकै समयमा उम्मेदवार सूची निर्वाचन आयोगमा बुझाइएको जनाउँदै समावेशीता, भौगोलिक सन्तुलन र सिट सीमालाई ध्यानमा राखेर सूची तयार गरिएको भए पनि केही कमजोरी स्वीकार गरे।
प्रत्यक्षतर्फ उम्मेदवार सिफारिस अन्तिम चरणमा पुगेको उल्लेख गर्दै ओलीले परामर्शबिना ‘एकल सिफारिस’ र सबै नाम केन्द्र पठाउने प्रवृत्तिप्रति असन्तोष व्यक्त गरेका छन् ।
