काठमाडौं, २३ पुस । नेपाली कांग्रेसमा जारी विवादका बीच आज विशेष महाधिवेशन आह्वान हुने भएको छ ।
विशेष महाधिवेशन पक्षधरले गठन गरेको ‘दोस्रो विशेष महाधिवेशन सचिवालय’ले प्रतिनिधिहरूलाई आमन्त्रण गर्ने तयारी गरेको छ । सचिवालयले ११ बजे पत्रकार सम्मेलनमार्फत आह्वान गर्ने जनाएको छ ।
यसअघि शान्ति सुरक्षाका लागि जिल्ला प्रशासन कार्यालयमा निवेदन दिइसकिएको छ भने भृकुटीमण्डप बुकिङ र आवश्यक समितिहरू गठन गरिएको छ ।
महामन्त्रीद्वय गगन थापा र विश्वप्रकाश शर्माको पक्षले नियमित महाधिवेशन सम्भव नभएकाले विशेष महाधिवेशन आवश्यक भएको बताएको छ ।
तर सभापति शेरबहादुर देउवा पक्षले प्रतिनिधि सभा निर्वाचनअघि विशेष महाधिवेशन सम्भव नरहेको अडान लिएको छ ।
