महोत्तरी, २१ पुस । महोत्तरीको पिपरा गाउँपालिका वडा नम्बर ५ मा रहेको घरको साइड र माथि रहेको रुखको कारण उत्पन्न विवादबारे पिपरा गाउँपालिका न्यायिक समितिले स्थलगत अनुगमन गरेको छ ।
न्यायिक समितिकी संयोजक बन्दना पाण्डे र उनको टिमले घटनास्थलमा पुगेर दुवै पक्षसँग भेटवार्ता गरी घटना, रुखको स्थिति र सम्भावित समाधानबारे प्रत्यक्ष अवलोकन गरेका हुन् ।
समितिले यस विवादमा दुवै पक्षको चासो सुनेर निष्पक्ष र दिगो समाधानका उपाय खोज्ने योजना बनाएको जनाइएको छ । स्थलगत अनुगमनको क्रममा विवाद समाधानका लागि कानुनी, सामाजिक र वातावरणीय पक्षको विश्लेषण गरी सुझाव तयार गर्ने तयारी गरिएको छ ।
यसरी न्यायिक समितिले स्थानीय तहमा उत्पन्न स–साना विवादहरूमा शान्तिपूर्ण र सहमतिपूर्ण समाधान सुनिश्चित गर्न पहल जारी राखेको बताइएको छ ।
