काठमान्डौँ, २१ पुष । सरकारले जेनजी सहिद परिवार कल्याणकारी समाजलाई कल्याणकारी कार्यक्रमका लागि अनुदान दिने निर्णय गरेको छ ।
सोमबार बसेको मन्त्रिपरिषद् बैठकले पेट्रोलमा इथानोल मिश्रण गरी प्रयोगमा ल्याउने आदेश २०८२ स्वीकृत गर्नुका साथै नेपाल–ओमान र नेपाल–इजरायलबीचका श्रम सम्झौता अनुमोदन गरेको छ ।
बैठकले ओमबहादुर खड्कालाई राष्ट्रिय अनुसन्धान विभागको अतिरिक्त मुख्य अनुसन्धान निर्देशकमा बढुवा, समस्याग्रस्त सहकारी व्यवस्थापन समितिमा कुलप्रसाद न्यौपानेको मनोनयन, वन तेस्रो संशोधन नियमावली २०८२ स्वीकृत तथा उपमहालेखापरीक्षक पदमा घनश्याम पराजुलीलाई बढुवा गर्ने निर्णय पनि गरेको छ ।
