एजेन्शी, क्युबाले भेनेजुएलामा अमेरिकाले गरेको सैन्य कारबाहीका क्रममा आफ्ना ३२ जना सुरक्षा अधिकारी मारिएको दाबी गरेको छ ।
क्युबाली राष्ट्रपति मिगुएल डियाज क्यानेलका अनुसार ती अधिकारीहरू भेनेजुएला सरकारको आग्रहमा सुरक्षा मिसनमा खटिएका थिए । राष्ट्रपति क्यानेलले घटनाप्रति दुःख व्यक्त गर्दै दुई दिनको राष्ट्रिय शोक घोषणा गरेका छन् ।
अमेरिकी आक्रमणपछि राष्ट्रपति निकोलस मदुरो पक्राउ परेसँगै क्षेत्रीय तनाव थप बढेको छ ।
