काठमाडौँ, २१ पुस । नेपाली कांग्रेसले केन्द्रीय कार्यसम्पादन समितिको बैठक आज आह्वान गरेको छ ।
सोमबार दिउँसो १ बजे ललितपुरको बीपी नगरस्थित केन्द्रीय कार्यालय बीपी स्मृति भवनमा बैठक बस्ने तय भएको पार्टीका मुख्य सचिव कृष्णप्रसाद पौडेलले बताए ।
बैठकमा वर्तमान राजनीतिक अवस्था, पार्टीको आन्तरिक तथा समसामयिक विषयहरूमा छलफल हुने बुझिएको छ ।
मुख्य सचिव पौडेलले बैठकमा उपस्थितिका लागि कार्यसम्पादन समितिका सबै पदाधिकारी एवं सदस्यहरूलाई निर्देशानुसार अनुरोध समेत गरेका छन् ।
