जनकपुर, १६ पुस । धनुषामा अनलाइन ठगी गर्ने गिरोहका ६ जनालाई प्रहरीले पक्राउ गरेको छ ।
गिरोहले वैदेशिक रोजगारीबाट पठाइएको रेमिटान्स रकम निकाल्ने बहानामा सर्वसाधारणको नागरिकता र फोटोको दुरुपयोग गरी अनलाइन वालेट मार्फत ठगी गर्दै आएको थियो ।
पक्राउ परेका व्यक्तिहरूमा आइएमई सञ्चालक विशाल भुजेल, मोबाइल पसल सञ्चालक सन्तोष मण्डल, साधु राम, बलराम मण्डल, रुपेश कुमार साह र निक्की कुमार राम रहेका छन् ।
अनुसन्धानमा खुल्न आएको छ । उनीहरूले २९ वटा वालेटमार्फत करिब ३९ लाख रुपैयाँको कारोबार गरेका थिए, जसमा हाल ४ लाख ब्लक छ ।
प्रहरीले ठगीमा प्रयोग भएका मोबाइल, ल्यापटप, आइप्याड, सिम कार्ड र इन्टरनेट राउटर बरामद गरेको छ । गिरोहले सामाजिक सञ्जालमा नक्कली प्रोफाइल बनाएर लत्ता कपडा, फर्निचर, मोटरसाइकल आदि वस्तुको फोटो राखेर वालेटमार्फत रकम माग्ने काम गरेको छ ।
प्रारम्भिक अनुसन्धान अनुसार थप पीडित र गिरोहका सदस्यहरू पनि हुन सक्ने जिल्ला प्रहरी कार्यालय धनुषाले जनाएको छ ।
