काठमाडौँ, १६ पुस । पूर्वप्रधानमन्त्री बाबुराम भट्टराईले राजतन्त्रको एजेन्डा केही स्वार्थ समूहले आफ्नो हितका लागि अघि सारेको दाबी गरेका छन् ।
टाइम्स अफ इन्डियासँगको अन्तर्वार्तामा उनले नेपाल अझै संक्रमणकालीन अवस्थामा रहेको र राजनीतिक संस्थाहरू पूर्ण रूपमा परिपक्व भइनसकेको बताएका छन् ।
भट्टराईका अनुसार २००८ मा राजतन्त्र अन्त्य र २०१५ मा संविधान जारी भए पनि सरकारहरूले जनअपेक्षाअनुसार काम गर्न नसक्दा युवाहरूमा निराशा बढेको छ ।
डिजिटल प्रविधिसँगै युवाको आकांक्षा बढे पनि परम्परागत दलहरूको कमजोर कार्यसम्पादनले गत सेप्टेम्बरमा आन्दोलनको अवस्था सिर्जना भएको उनको भनाइ छ ।
उनले सेप्टेम्बरको विरोध प्रदर्शन कुनै बाह्य शक्तिको प्रभाव नभई आन्तरिक समस्या, भ्रष्टाचार र आर्थिक असफलताका कारण भएको स्पष्ट पारे । लोकतन्त्रलाई सही बाटोमा ल्याउने प्रमुख माध्यम निर्वाचन नै भएको र भारतसँग नेपालको सम्बन्ध बहुआयामिक रहेको उनले बताए ।
