काठमाडौं, १३ पोष । नवौँ एनभीए महिला तथा पुरुष भलिबल च्याम्पियनसिप अन्तर्गत आज चार खेल सञ्चालन हुने भएका छन् ।
नेपाल भलिबल संघका अनुसार आज महिलातर्फ दुई तथा पुरुषतर्फ दुई खेल आयोजना गरिनेछ । संघले खेल तालिकामा सामान्य परिवर्तन गरेपछि संशोधित कार्यक्रमअनुसार खेलहरू सञ्चालन हुन लागेका हुन् ।
बिहान १० बजे सुरु हुने पहिलो खेलमा महिलातर्फ त्रिभुवन आर्मी क्लब र चुली युवा क्लब आमनेसामने हुनेछन् । त्यसैगरी दिउँसो १२ बजे महिलातर्फ सुदूरपश्चिम प्रदेश र एपीएफ क्लबबीच प्रतिस्पर्धा हुनेछ ।
पुरुषतर्फ दिउँसो २ बजे हेल्प नेपाल स्पोट्र्स क्लब र मणिमुकुन्द भलिबल क्लबबीच खेल हुनेछ । अन्तिम खेल अपराह्न ४ बजे नेपाल पुलिस क्लब र खिल्जी युवा क्लबबीच हुने नेपाल भलिबल संघले जनाए ।
