काठमाडौं, ९ पुस । आगामी माघ ११ गते हुने राष्ट्रियसभा निर्वाचनमा ५ प्रदेशसभा सदस्य र ८ स्थानीय तहका पदाधिकारीले मतदान गर्न नपाउने भएका छन् ।
निर्वाचन आयोगका अनुसार अदालतको आदेश र निलम्बनका कारण ती व्यक्तिहरू मताधिकारबाट वञ्चित भएका हुन् ।
निर्वाचनका लागि ५४५ प्रदेशसभा सदस्य र १४९८ स्थानीय तहका पदाधिकारी गरी कुल २०४३ मतदाताको प्रारम्भिक नामावली स्वीकृत गरिएको छ ।
प्रदेशसभा सदस्यको मतभार ५३ र स्थानीय तहका पदाधिकारीको मतभार १९ तोकिएको छ ।
