काठमाडौं, ८ पुस । राष्ट्रिय स्वतन्त्र पार्टीका सभापति रवि लामिछाने र काठमाडौँ महानगरपालिकाका मेयर बालेन्द्र शाह (बालेन)बीच कमलपोखरीमा करिब ६ घण्टा लामो छलफल भएको छ ।
असिम शाहको पहलमा भएको यस भेटवार्तामा सहकार्य, राजनीतिक रणनीति र भावी चुनावी तालमेलका विषयमा गहन छलफल भएको बताइएको छ ।
छलफलपछि दुवै नेता एकै गाडीमा बाहिरिनुले एकता र सहकार्यतर्फ उन्मुख भएको सन्देश दिएको छ ।
वार्तालाई सुखद् र सकारात्मक भन्दै सहभागी नेताहरूले आगामी दिनमा वैकल्पिक शक्तिहरूलाई एक ठाउँमा ल्याउने प्रयास तीव्र हुने संकेत गरेका छन् ।
