काठमाडौं, २ मंसिर । राष्ट्रिय जनमत पार्टी निर्वाचन आयोगमा औपचारिक रूपमा दर्ता भएका छन् ।
पार्टीका प्रतिनिधिहरू मंगलबार कान्तिपथस्थित आयोगको मुख्यालय पुगेर दल दर्ताको प्रमाणपत्र ग्रहण गरेका हुन् । पार्टीका नेता इरफान हमसेखका अनुसार मधेशका दीर्घकालीन समस्याहरू समाधान गर्ने उद्देश्यले दल दर्ता प्रक्रिया पूरा गरिएको हो ।
उनले आफ्नो टोली विगत केही वर्षदेखि संगठन विस्तार र मधेशका मुद्दामा सक्रिय रहेको उल्लेख गरे । निर्वाचन आयोगले नयाँ दर्ता भएको पार्टीलाई ‘डोजर’ चुनाव चिन्ह प्रदान गरेको छ ।
नेता हमसेखले मधेशमा फैलिएर रहेको भ्रष्टाचारलाई ‘डोजरले हटाउने’ रूपमा पार्टीले प्रभावकारी भूमिका खेल्ने दाबी गरे । आगामी फागुन २१ गते हुने प्रतिनिधि सभा निर्वाचनको तयारी स्वरूप विभिन्न राजनीतिक दलहरू आयोगमा दर्ता प्रक्रियामा जुटिरहेका छन् ।
