जनकपुर, २ मंसिर । महोत्तरीमा एक वृद्ध पुरुषको छुरा प्रहारबाट मृत्यु भएका छन् ।
मृत्यु भएका व्यक्ति जलेश्वर नगरपालिका–९ का ६० वर्षीय बेचन राय रहेको जिल्ला प्रहरी कार्यालय महोत्तरीका प्रवक्ता डीएसपी शैलेन्द्र भट्टले पुष्टि गरेको छ ।
डीएसपी भट्टका अनुसार सोमबार साँझ जलेश्वर–९ आगेपुल नजिक एक युवकले रायमाथि छुरा प्रहार गरेका थियो । गम्भीर घाइते रायलाई उपचारका लागि प्रादेशिक अस्पताल जलेश्वर पु¥याइए पनि चिकित्सकले उनलाई मृत घोषित गरेका थिए ।
घटनामा संलग्न रहे–रहेको आरोपमा धनुषा नगराइन नगरपालिका–९ का २० वर्षीय अनिलकुमार मण्डल, जो ‘पप्पु’ भनेर चिनिन्छन्,लाई प्रहरीले पक्राउ गरेका छन् ।
प्रहरीका अनुसार मण्डल मदिरा र लागुऔषधको नशामा थिए र बाटो हिँड्ने क्रममा भएको विवादकै बीच उनले रायको घाँटीमा छुरा प्रहार गरेको प्रारम्भिक अनुसन्धानले देखाएको छ । घटनाबारे थप अनुसन्धान भइरहेको प्रहरीले बताए ।
