काठमाडौं, २३ कार्तिक । चिकित्सा शिक्षा अभियन्ता डा. गोविन्द केसीले प्रधानमन्त्री सुशीला कार्कीलाई १० बुँदे ज्ञापनपत्र बुझाउँदै स्वास्थ्य र चिकित्सा शिक्षा क्षेत्रको सुधार, सुशासन र न्यायका लागि ठोस कदम चाल्न आग्रह गरेका छन् ।
यस पटक उनले अनशनको चेतावनी भने दिएका छैनन् । डा. केसीसहित श्रीकृष्ण गिरी, प्रा. डा. जगदीशप्रसाद अग्रवाललगायतले बुझाएको ज्ञापनपत्रमा पूर्व प्रधानमन्त्री र मन्त्रीहरूको राजनीतिक हस्तक्षेप हटाउने, चिकित्सा शिक्षा आयोगको स्वायत्तता फर्काउने, गेटा मेडिकल विश्वविद्यालय सञ्चालन गर्ने, निर्मला कुर्मी हत्या प्रकरणमा निष्पक्ष अनुसन्धान गर्ने, र दण्डहीनता अन्त्य गर्न माग गरिएको छ ।
प्रधानमन्त्री कार्की, गृहमन्त्री ओमप्रकाश अर्याल, शिक्षामन्त्री महावीर पुन, स्वास्थ्य मन्त्री डा. सुधा गौतम र चिकित्सा शिक्षा आयोगका उपाध्यक्ष डा. अञ्जनी झा समेतको उपस्थितिमा ज्ञापनपत्रका विषयमा छलफल भएको थियो ।
