जनकपुर, २२ कार्तिक । मधेस प्रदेशका मुख्यमन्त्री जितेन्द्र सोनलले आज प्रदेशसभाबाट विश्वासको मत लिने भएका छन् ।
संविधानको धारा १६८(४) अनुसार उनले विश्वासको मत लिन लागेका हुन् । पूर्व मुख्यमन्त्री सतिशकुमार सिंहको राजीनामापछि असोज २९ गते ५ दलको समर्थनमा सोनल मुख्यमन्त्री बनेका थिए ।
अहिले उनको पक्षमा लोकतान्त्रिक समाजवादी पार्टी, जसपा नेपाल, जनमत पार्टी, माओवादी केन्द्र, एकीकृत समाजवादी, नागरिक उन्मुक्ति र नेपाल संघीय समाजवादी पार्टी गरी सात दलको समर्थन छ ।
यो समर्थन संख्या १०४ सदस्यीय प्रदेशसभामा ५७ पुगेको छ । नेपाली कांग्रेस र एमाले विपक्षमा छन् ।
