काठमाडौं, २० कात्तिक । विभिन्न १० वटा वामपन्थी दल र समूहहरूको एकताबाट बनेको नेपाली कम्युनिस्ट पार्टीले निर्वाचन आयोगमा दल दर्ताका लागि निवेदन दिएका छन् ।
साविकका नेकपा (माओवादी केन्द्र) र नेकपा (एकीकृत समाजवादी) सहितका दलहरू मिलेर गठित नयाँ पार्टीले एकता घोषणा भएको भोलिपल्ट, बिहीबार, आयोगमा दल दर्ताको औपचारिक निवेदन दर्ता गराएको हो ।
नवगठित पार्टीले ८८‘पाँचकुने तारा’८८लाई आफ्नो चुनाव चिह्नका रूपमा प्रस्ताव गरेको छ । निर्वाचन आयोगका प्रवक्ता नारायणप्रसाद भट्टराईका अनुसार आयोगले नेपाली कम्युनिस्ट पार्टीको दल दर्ता निवेदन प्राप्त गरेको छ।
आयोगको नियम अनुसार आगामी २१ फागुनमा हुने निर्वाचनमा भाग लिन इच्छुक राजनीतिक दलहरूले यही ३० कात्तिकभित्र दल दर्ताको प्रमाणपत्र प्राप्त गर्नुपर्नेछ ।
दल एकता प्रक्रियासँगै प्रतिबद्धतापत्र र घोषणापत्र संलग्न गरी आयोगमा निवेदन दर्ता गरिएको नेता शिव खकुरेलले जानकारी दिए । उनका अनुसार दलको विधानलाई पूर्णता दिने काम जारी रहेको छ ।
