काठमाडौं, १८ कार्तिक । नेपाली कांग्रेसको केन्द्रीय कार्यसमिति बैठकमा आगामी १५औँ महाधिवेशन कहिले गर्ने भन्ने विषयमा मतभेद देखिएको छ ।
बैठकमा महामन्त्री गगन थापाले पार्टीको महाधिवेशन पुस १६ देखि १९ गतेसम्म गर्ने प्रस्ताव सहित कार्यतालिका पेस गरेका थिए । तर, त्यसै बैठकमा सहमहामन्त्री महेन्द्र यादवले थापाको प्रस्तावको काउन्टरमा अर्को कार्यतालिका प्रस्तुत गरे ।
यादवले आफ्नो प्रस्तावमा महाधिवेशन चैत २७ देखि २९ गतेसम्म गर्ने सुझाव दिएका छन् । दुवै पक्षका प्रस्तावमा समय फरक भए पनि उद्देश्य पार्टीलाई आगामी निर्वाचनका लागि तयार पार्ने रहेको बताइएको छ ।
बैठकमा थापाको प्रस्तावमा तत्काल निर्णय नभएपछि महाधिवेशन मिति टुंग्याउने विषयमा पार्टी भित्र थप छलफल हुने बताइएको छ ।
नेपाली कांग्रेस भित्र हाल संगठन सुदृढीकरण, नेतृत्वको मूल्याङ्कन र महाधिवेशन तयारी८८का विषयमा बहस चलिरहेको छ ।
