काठमाडौं, १८ कार्तिक । सामाजिक सञ्जालमार्फत हिंसात्मक र विवादास्पद अभिव्यक्ति दिएका निकोलस भूसाललाई प्रहरीले पक्राउ गरेको छ ।
काठमाडौं उपत्यका अपराध अनुसन्धान कार्यालयको टोलीले उनलाई गोरखा नगरपालिका–८ सरस्वती आश्रमबाट मंगलबार पक्राउ गरेको हो ।
भूसालले हालकी प्रधानमन्त्री सुशीला कार्की, गृहमन्त्री ओमप्रकाश अर्याल, मेयर बालेन शाहलगायत शीर्ष व्यक्तिहरूको नाम लिँदै हिंसात्मक अभिव्यक्ति दिएका थिए ।
उनले अघिल्लो प्रधानमन्त्री केपी शर्मा ओली र रमेश लेखकलाई पनि “हत्यारा” भन्दै आरोप लगाएका थिए । प्रहरीले उनलाई काठमाडौं ल्याउने तयारी गरेको छ ।
