काठमाडौं, १८ कार्तिक । ऊर्जामन्त्री कुलमान घिसिङको नेतृत्वमा नयाँ राजनीतिक दल गठनको तयारी अन्तिम चरणमा पुगेको छ ।
पार्टीको नाम ‘उज्यालो नेपाल’ र चिन्ह बिजुलीको बल्ब प्रस्ताव गरिएको छ । प्रारम्भिक रूपमा २१ सदस्यीय केन्द्रीय कमिटी गठन गरिने र सबै सदस्यको सीआरएस (Criminal Record System) जाँचपछि नाम टुंग्याइने तयारी छ ।
कुलमान स्वयं संयोजक (अध्यक्ष) बन्ने सम्भावना उच्च रहेको छ । काठमाडौंका मेयर बालेन्द्र साहको प्रत्यक्ष समर्थन रहने, तर औपचारिक भूमिकामा नआउने जनाइएको छ ।
बालेन पक्षबाट दुई जना, सुमना श्रेष्ठ र सुधन गुरुङ पक्षका केही व्यक्ति पनि कमिटीमा रहने चर्चा छ । पार्टी दर्ता भोलिसम्म निर्वाचन आयोगमा गर्ने योजना स्रोतले जनाएको छ ।
