सप्तरी, १६ कार्तिक । सप्तरीको छिन्नमस्ता गाउँपालिका–५, लोखरम मुसहरी टोलमा झाडापखालाको प्रकोप फैलिँदा एकै परिवारका तीन जनाको मृत्यु भएको छ ।
मृतकहरूमा एक वर्षीय सञ्जीव सदा, चार वर्षीय रागिनी सदा र ७० वर्षीय लक्ष्मण सदा रहेका छन् । उच्च ज्वरो र लगातार झाडापखालाका कारण एक हप्ताको फरकमा उनीहरूको मृत्यु भएको हो ।
सो टोलमा हालसम्म १५ जनाभन्दा बढीमा झाडापखालाको लक्षण देखिएको छ, तर स्वास्थ्य निकाय र स्थानीय सरकार पर्याप्त रूपमा सक्रिय नभएको स्थानीयले गुनासो गरेका छन् ।
वडाध्यक्ष जयप्रकाश ठाकुरले घटनाबारे पहल थालिएको बताएका छन् ।
