काठमाडौं, १४ कात्तिक । उच्चस्तरीय निर्वाचन सुरक्षा समितिको बैठक आयोगका आयुक्त सगुन शम्शेर जबराको संयोजकत्वमा बस्दैंछ ।
आगामी फागुन २१ गतेका लागि तय भएको निर्वाचनको सुरक्षाको सम्बन्धमा छलफल गर्न समितिको बैठक बस्न लागेको हो ।
निर्वाचन आयोगकै कार्यालयमा दिउँसो हुने छलफलमा गृह मन्त्रालयका सचिव, रक्षा मन्त्रालयका सचिव, सुरक्षा निकायका अधिकारीहरू सहभागी हुनेछन् ।
समितिले निर्वाचन सुरक्षाको विषयमा छलफल गर्नुका साथै आवश्यक रणनीति समेत तय गर्ने निर्वाचन आयोगका प्रवक्ता नारायण प्रसाद भट्टराईले बताए ।
