वीरगञ्ज, ८ कार्तिक । आम जनता पार्टी (आजपा) का अध्यक्ष तथा पूर्वमन्त्री प्रभु साहले गृहमन्त्री ओमप्रकाश अर्यालको भूमिका शंकास्पद र विवादास्पद भएको आरोप लगाउँदै तत्काल राजीनामा दिन माग गरेका छन् ।
वीरगञ्जमा आयोजित कार्यक्रममा उनले सरकार र गृहमन्त्रीले जेन–जी आन्दोलनका क्रममा मारिएका युवाहरूका हत्याराहरूलाई जोगाएको आरोप लगाए ।
साहका अनुसार तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई कारबाही नगर्नुमा अर्यालको राजनीतिक निकटता जिम्मेवार छ ।
उनले प्रधानमन्त्री सुशीला कार्की र गृहमन्त्री अर्यालले युवा पुस्ताको भावनामाथि खेलवाड गरेको र “जनताले अब आफ्नै बलमा हत्यारामाथि जनकारबाही गर्न सक्छन” भनेर चेतावनी दिए ।
साथै उनले वीरगञ्जलाई आर्थिक राजधानी, नारायणी अस्पताललाई मेडिकल कलेज र ठाकुरराम क्याम्पसलाई विश्वविद्यालय बनाउन माग गरे ।
