पोखरा, ६ कार्तिक । पोखराको लेकसाइडस्थित होटल पौवामा आयोजित भाइटीका महोत्सवमा १५ भन्दा बढी देशका सयौँ विदेशी पर्यटकले सहभागिता जनाए ।
रेन्वो चिल्ड्रन होमका छात्राहरूले पर्यटकको निधारमा सप्तरंगी टीका लगाइदिए र नेपाली ढाका टोपी तथा पछ्यौरा उपहार दिइयो । सहभागीहरूले सेलरोटी र देउसी–भैलोको रमाइलो अनुभव लिए ।
पोखरा होटल संघका अध्यक्ष लक्ष्मण सुवेदीका अनुसार महोत्सवले पोखरा र नेपालको पर्यटन प्रवद्र्धन तथा सांस्कृतिक संरक्षणमा टेवा पु¥याउने लक्ष्य राखिएको हो ।
अष्ट्रेलियालगायत देशका पर्यटकले नेपालका परम्परा र आतिथ्यबाट प्रभावित भएको बताएका छन् । संघका उपाध्यक्ष गणेशराज पहारीले भव्यरूपमा सम्पन्न महोत्सवले महामारीपछि सुस्त पर्यटन क्षेत्रलाई पुनः सक्रिय बनाउन सहयोग गर्ने विश्वास व्यक्त गरे ।
