काठमाडौं, २९ असोज । चितवनको रत्ननगर नगरपालिका–१२ स्थित शान्तिकुञ्ज टोलमा रहेको किसान दाना उद्योगको पर्खाल भत्किँदा ३ जना मजदुरको मृत्यु भएका छन् र २ जना घाइते भएको छ ।
.प्रहरीका अनुसार आइतबार बिहान उद्योगभित्रको १० इञ्च मोटाइको इँटाको पर्खाल अचानक भत्किएर सो दुर्घटना भएको हो । घटनामा घाइते भएका पाँचै जना श्रमिकलाई तत्काल चितवन मेडिकल कलेजमा पु¥याइएको थियो । उपचारको क्रममा ३ जनाको मृत्यु भएको पुष्टि गरिएको छ ।
मृतकको परिचय यसप्रकार छः
शुकराम दराई, ४५ वर्ष, खैरहनी नगरपालिका–२, चितवन
रेशम दराई, ५४ वर्ष, स्थायी घर गोरखा, हाल रत्ननगर–१२
कमल गुरुङ, ४५ वर्ष, रत्ननगर नगरपालिका–१२
घाइते हुनेहरूः
जितेन्द्र महतो, ३९ वर्ष, पर्सा जिल्ला, हाल रत्ननगर–१२
अंकजप्रसाद थारु, ४० वर्ष, पर्सा जिल्ला, हाल रत्ननगर–१२
घाइतेहरूको चितवन मेडिकल कलेजमा उपचार भइरहेको प्रहरीले बताए । इलाका प्रहरी कार्यालय रत्ननगरका डिएसपी सुवास भट्टका अनुसार घटना दाना उद्योगभित्रको विभाजन गरिएको पर्खाल भत्किएर भएको हो। घटनाको थप अनुसन्धान भइरहेको जानकारी पनि उनले दिएका छन्।
