काठमाडौँ, १६ असोज । प्रधानमन्त्री सुशीला कार्कीले जेन–जी आन्दोलनमा मृत्यु भएका शहीद परिवारलाई भेटेकी छिन् ।
बिहीबार दशैंको दिन बागलुङ घर भई काठमाडौँको वनस्थली बस्दै आएका मृतक सौरन किशोर श्रेष्ठको परिवारलाई उनले भेट गरिन् ।
यसका साथै उनले नागर्जुन ३ मा मृतक कान्छी नगरकोटीको परिवार र कीर्तिपुरस्थित मैत्रीनगरमा मृतक बुद्धिबहादुर तामाङको परिवारलाई भेटेकी थिइन् ।
कार्कीसँग सञ्चार तथा सूचना प्रविधि मन्त्री जगदीश खरेल पनि मृतकका परिवारलाई भेट्न सँगसँगै गएका थिए ।
प्रधानमन्त्री कार्कीले यस दशैंमा जेन–जी आन्दोलनमा मृत्यु भएकाको सम्झनामा टीकासमेत लगाइनन् ।
