काठमाडौं, १३ असोज । शिक्षा, विज्ञान तथा प्रविधि मन्त्री महावीर पुनले पालिकाले चाडपर्वकै समयमा पनि शिक्षक तथा कर्मचारीलाई तलब नदिएको विषयमा छानबिन गर्ने जनाएको छ ।
उनका अनुसार शिक्षा मन्त्रालयले आवश्यक रकम पालिकामा पठाइसके पनि कतिपय पालिकाले ढिलासुस्ती गर्दै विभिन्न बहाना बनाई तलब वितरण नगरेको गुनासो व्यापक आएको छ ।
मन्त्री पुनका अनुसार फोन र इमेलमार्फत अहिलेसम्म ५०० भन्दा बढी गुनासा दर्ता भएका छन् । तीमध्ये सबैभन्दा धेरै मधेश प्रदेशबाट आएको भनाई छ ।
