जनकपुर, १० असोज । जनकपुरको ऐतिहासिक तथा धार्मिक महत्वको राजदेवी मन्दिरमा दसैंको अवसरमा लागेको मेलामा एउटा दुःखद घट्ना घटेको छ ।
मेलाको आकर्षणको रूपमा राखिएको झुला (राइड) अचानक बीचबाट भाँचिएपछि उपस्थित श्रद्धालु तथा दर्शकहरूमा त्रास फैलिएको छ ।
घटनाबारे प्रारम्भिक विवरण अनुसार झुला बिस्तारै चलिरहेको अवस्थामा अचानक संरचनात्मक कमजोरीका कारण बीचबाटै भाँचिएको हो ।
झुलामा दर्जनौं मानिस चढेका थिए, जसमा महिला र बालबालिकासमेत थिए । यद्यपि, भाँचिँदा झुला तीव्र गतिमा नरहेकोले गम्भीर मानवीय क्षति भने हुन सकेन ।
नेपाली सेनाको तिव्र उद्धार
झुलामा फसेका व्यक्तिहरूको उद्धारका लागि नेपाली सेनाको टोली तत्काल घटनास्थलमा परिचालित गरिएको थियो । सेनाले सावधानीपूर्वक सबै फसेकाहरूलाई सुरक्षितरूपमा निकाल्न सफल भएको छ ।
उद्धारकार्यमा स्थानीय प्रहरी, रेडक्रसका स्वयंसेवक तथा स्थानीयवासीहरूको समेत सहयोग रहेको जनाइएको छ ।
झुलाको सुरक्षा परीक्षणबारे प्रश्न उठ्दै
दशैं मेलामा यस्ता झुला राख्दा नियमित रूपमा सुरक्षा परीक्षण गरिनुपर्ने प्रावधान भए पनि यसपटक त्यो प्रक्रिया पालना भए÷नभएकोबारे स्थानीय तहले अनुसन्धान गरिरहेको बताइएको छ ।
मेला आयोजक समितिले प्रारम्भिक रूपमा घटनाको जिम्मेवारी लिँदै भविष्यमा यस्ता लापरवाही नदोहो¥याउने प्रतिबद्धता जनाएको छ । 
