जनकपुर, ३० भदौ । धनुषा प्रहरीले जेलबाट फरार चारजना विदेशी कैदीबन्दीलाई पक्राउ गरेको छ ।
चारजना नाइजेरियन र १ जना ब्राजिलका गरी चार विदेशी कैदी बन्दीलाई नेपाल भारतको सीमा क्षेत्र दशगजाबाट पक्राउ गरेको हो । पक्राउ पर्नेमा नाइजेरिय नगरिकहरु ३८ वर्षीय मो. लामिन्स डाबो, ३५ वर्षीय ग्लोरी बडे र ५५ वर्षीय इमनिउल ओगुडा उजिगवे रहेको धनुषाका प्रहरी प्रवक्ता डिएसपी बरुणबहादुर सिंहले जानकारी दिए ।
यस्तै ब्राजिलका नागरिक २५ वर्षीय लारेशन ब्रिटो रहेका छन् । जेनजीको आन्दोलन चर्केपछि २४ गते उनीहरु उनीहरु नख्खु कारागारबाट भागेको खुलेको छ ।
प्रहरीका अनुसार उनीहरु लागूऔषध र भिसा टेड समाप्त भएको अभियोगमा जेलमा थिए । उनीहरुलाई भारत बिहारको बासोपट्टी क्षेत्रबाट पक्राउ गरेर धनुषा प्रहरीले ल्याएको प्रहरी स्रोतले बताएको छ ।
