जनकपुर, २७ भदौ । रौतहट जिल्ला प्रशासन कार्यालयले शनिबार बिहानसम्मका लागि कडा सुरक्षात्मक व्यवस्था लागू गरेका छन् ।
प्रमुख जिल्ला अधिकारी विनोदकुमार खड्काले जारी गरेको सूचनाअनुसार आज बिहान ६ बजेदेखि साँझ ७ बजेसम्म निषेधाज्ञा र त्यसपछिको समय अर्थात् साँझ ७ बजेदेखि भोलि बिहान ६ बजेसम्म कफ्र्यु लागू हुनेछ ।
अत्यावश्यक आवतजावतका लागि साँझ ५ बजेदेखि ७ बजेसम्म दुई घण्टाको समय खुला गरिने बताए ।
निषेधाज्ञा र कफ्र्यु अवधिभर कुनै पनि प्रकारका सभा, जुलुस, भेला, प्रदर्शन, पोस्टर–पर्चा टाँस्ने वा शान्ति–सुरक्षामा असर गर्ने गतिविधिमा पूर्ण प्रतिबन्ध लगाइने प्रशासनले जानकारी दिएको छ ।
त्यसैगरी पाँच जनाभन्दा बढी व्यक्तिहरू एकै ठाउँमा भेला हुन नपाइने पनि स्पष्ट गरिएको छ ।
