काठमाडौं, २० भदौ । सुनसरीको झुम्का कारागारमा भाइरल संक्रमणको आशंका भएपछि बीपी कोइराला स्वास्थ्य विज्ञान प्रतिष्ठानले ९ सदस्यीय द्रुत प्रतिक्रिया टोली परिचालन गरेको छ ।
करिब १,८०० कैदीबन्दीमध्ये ४०० जनाको स्वास्थ्य परीक्षण गर्दा अधिकांशमा ‘एन्जाइटी’ देखिएको र करिब १०० जनामा उच्च ज्वरोलगायत लक्षण भेटिएको छ ।
हालसम्म ३ कैदीबन्दीको मृत्यु भएको छ—१ जना कारागारमै, १ जना इनरुवामा र १ जना बीपी प्रतिष्ठानमा।
डेङ्गु परीक्षणमा २ जनामा पोजेटिभ देखिएको छ भने १० जनाको कोभिड रिपोर्ट नेगेटिभ आएको छ ।
केही बिरामीलाई बीपी प्रतिष्ठानमा थप उपचारका लागि भर्ना गरिएको छ, उनीहरूको अवस्था सामान्य छ । १५ दिनअघि कारागारबाट आएका एक कैदीमा जापानी इन्सेफलाइटिस (व्भ्) भेटिए पनि उपचारपछि निको भएका थिए ।
बीपीका चिकित्सकहरूले हाल आत्तिनुपर्ने अवस्था नभए पनि भाइरल संक्रमण बढिरहेको भन्दै सावधानी अपनाउन सर्वसाधारणलाई आग्रह गरेका छन्।
