काठमाडौं, १७ भदौ । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले दुध किसानले आफ्नो उत्पादनको मूल्य नपाएपछि आन्दोलनमा उत्रनु सरकारको असक्षमता र निष्क्रियताकै परिणाम भएको टिप्पणी गरेका छन् ।
मंगलबार सामाजिक सञ्जालमार्फत किसानहरूको आन्दोलनप्रति समर्थन जनाउँदै उनले किसानलाई समयमै भुक्तानी उपलब्ध गराउनुपर्ने माग गरेका छन् ।
उनले भनेको “मेरो नेतृत्वको सरकारले उखु किसानलाई दिनुपर्ने अनुदान रोकेर मात्र होइन, तोकिएको रकम समेत कटौती गरेको वर्तमान सरकारले दुध किसानलाई पाउनुपर्ने मूल्यसमेत समयमा दिन सकेको छैन । किसानहरू सडकमा आउनुपर्ने अवस्था हुनु सरकारको अकर्मण्यताको स्पष्ट उदाहरण हो । राष्ट्रिय अर्थतन्त्रको मेरुदण्ड किसान भएकाले उनीहरूले उत्पादनको उचित मूल्य समयमै पाउनैपर्छ भन्ने मेरो माग छ ।”
