जनकपुर, १३ भदौ । सशस्त्र प्रहरी बल, बाराले भारतबाट भित्र्याइँदै गरेका करिब १० लाख ३२ हजार रुपैयाँ बराबरका सामान बरामद भएका छन् ।
कलैया र पचरौता क्षेत्रबाट दुई मोटरसाइकलमार्फत ल्याइएका कपडा, चकलेट, खजुर, किराना सामग्री तथा ताल्चा बरामद गरिएको प्रहरीले बताए ।
सशस्त्र प्रहरी बाराका प्रमुख एसपी खुमबहादुर केसीका अनुसार बरामद सामान भन्सारमा बुझाउने प्रक्रिया अघि बढाइएको छ । उनले तस्करी नियन्त्रणमा स्थानीयको सहयोग आवश्यक रहेको जनाए ।
