काठमाडौँ, ४ भदौ। रामेछापको लिखु तामाकोशी गाउँपालिकामा सडक मर्मतपछि एकतर्फी यातायात सञ्चालन भएको छ।
पहिरोको कारण बिहानबाट अवरुद्ध रहेको सडक प्रमुख जिल्ला अधिकारीले पहलमा पुनः सञ्चालन गरेको हो।
सडक अवरुद्ध हुँदा काठमाडौँदेखि दोलखा हुदै मन्थलीसम्म चल्ने यातायातको साधन बीच बाटोमै रोकिएको थियो।रामेछापको लिखु तामाकोशी गाउँपालिका–७ स्थित हलेदेमा सडक मर्मतपछि एकतर्फी यातायात सञ्चालन भएको छ ।
पहिरोको कारण आज बिहानैदेखि अवरुद्ध सडक सञ्चालन भ्एको प्रमुख जिल्ला अधिकारी श्यामकृष्ण थापाले जानकारी दिए काठमाडौँबाट दोलखाको चरिकोट, तामाकोशी हुँदै मन्थलीसम्म चल्ने यातातको साधन उक्त सडक अवरुद्ध हुँदा बीच बाटोमै रोकिएको थियो ।
एकतर्फी रूपमा सडक सञ्चालन भएपछि बाटोमा रोकिएको सवारीसाधन आ–आफ्नो गन्तव्यस्थलतर्फ लागेका उनले बताए ।
माथिबाट बगेर आएका लेदो र सडकमुनिबाट तामाकोशीले कटान गर्दा पुष्पलाल मार्गअन्तर्गत पर्ने चरिकोट–मन्थली सडक अवरुद्ध भएको थियो ।
सडकको तलबाट तामाकोशीले कटान गर्ने र माथिबाट पहिरो खसेपछि यहाँको सडक पटकपटक भासिने गरेको रहेछ ।
