जनकपुर, ३० जेष्ठ । वीरगञ्जमा ट्रक र मोटरसाइकल एक आपसमा ठोक्किँदा २ जनाको मृत्यु भएका छन् । एक जना घाइते भएको छ ।
शुक्रबार बिहान वीरगन्ज महानगरपालिकाको सिताराम चोकमा भएको दुर्घटनामा पर्साको छिपहरमाई गाउँपालिका–३ झलमैयाका २३ वर्षीय रामाकान्त यादव र सोही ठाउँका २३ वर्षीय विजय यादवको मृत्यु भएको छ ।
उनीहरुको नारायणी अस्पतालमा उपचारको क्रममा बिहान ८ बजे मृत्यु भएको प्रहरीले जानकारी दिए ।
दुर्घटनामा मोटरसाइकल सवार अर्का २२ वर्षीय युवक विजय कुमार यादव घाइते छन् । बा प्र ०३–००४ प ८६१२ नम्बरको मोटरसाइकल सडकमा रोकिराखेको एचआर ५५ के ३९७१ नम्बरको भारतीय ट्रकको पछाडि ठोक्किएको थियो ।
