जनकपुर, १५ जेठ। जनकपुरस्थित तत्मा बौद्धिक समाजले आज गणतन्त्र दिवसको अवसरमा विशेष कार्यक्रमको आयोजना गर्दै दिवसलाई उत्साहपूर्वक मनाएको छ।
समाजका अध्यक्ष ई.राम बाबु दासको अध्यक्षतामा बसेको बैठकमा गणतन्त्रको उपलब्धि, यसको संरक्षण तथा समृद्ध राष्ट्र निर्माणमा नागरिकको भूमिकाबारे छलफल गरिएको थियो।
बैठकमा सहभागी वक्ताहरूले गणतन्त्रलाई संस्थागत गर्दै सामाजिक न्याय, समानता र समावेशितालाई व्यवहारमा उतार्नुपर्ने आवश्यकता औंल्याएका थिए।
कार्यक्रममा समाजका सदस्यहरू, स्थानीय बुद्धिजीवी तथा युवाहरूको उल्लेख्य उपस्थिति रहेको थियो।
