काठमाडौं, १३ जेष्ठ । भिजिट भिसाको नाममा अवैध असुलीमा ४०० करोडसम्म असुल गरेर नेकपा माओवादी केन्द्रका सांसद वर्षमान पुनले जनाएका छन् ।
अहिलेको तथ्यांक अनुसार दैनिक ५० लाखदेखि ३ करोडसम्मको अनुपातमा अहिलेसम्म ४०० करोडसम्म युवाहरूबाट अवैध असुली गरेर जनाएको हो । यस्तो ठूलो खेल राजनीतिक संरक्षणविना सम्भव नभएको बुझाइ पुनको छ ।
त्रिभुवन विमानस्थलमा भिजिट भिसा प्रकरण सामान्य विषय होइन। यो त रोजगारी खोज्नै विदेशीने युवाहरूमाथि गरिएको लुट र मानव तस्करीसँग जोडिएको विषय हो । प्रतिदिन ५० लाखदेखि तीन करोडसम्म भनिएको छ ।
यही अनुपातमा हालसम्म १२० करोडदेखि ४०० करोडसम्म भ्रष्टाचार भएको देखिन्छ । यत्रो ठूलो खेल राजनीतिक संरक्षणविना सम्भव हुन सक्ला ? मुख्य आरोपी सहसचिव तीर्थराज भट्टलाई गृहमन्त्रीकै ग्रसरतामा विमानस्थल पठाइएको देखिन्छ ।
यो अनुसन्धानको विषय हो । धेरै विषयमा बोल्नुभन्दा पनि कानुन, मानवअधिकार पृष्ठभूमिकै गृहमन्त्री हुनुहुन्छ । अघिल्लो सदनमा मात्र हेरियो भने प्रतिपक्षी बेन्चमा बसेर नेता मन्त्रीमाथि नैतिकताको प्रश्न उठाउँदै हुनुहुन्थ्यो ।
अब राजीनामा दिएर अनुसन्धानका लागि मार्ग प्रशस्त गर्न विनम्र अनुरोध छ । उहाँ दोषी हो भन्ने हाम्रो दाबी होइन, तर छानविनका लागि सघाउनुपर्छ ।
