समाचार । सिकेन्द्र पासमान
बारा, १० जेठ । अपराध अनुसंन्धान नियन्त्रणको नाममा जिल्ला प्रहरी कार्यालयले गठन गरि नाम दिएका क्राईम ब्रान्च टोलीले जिल्लामा ब्याप्क रुपमा आर्थिक असुलीमा लागेका छन ।
क्राईम ब्रान्चका बरिष्ठ सई बिनोद काफलेले खटाएको प्रहरी जवान चन्दन यादवले जिल्लाको विभिन्न ठाँउबाट तस्करीमा संलग्न रहेकाहरुबाट लाखौको रकम उठाउने काममा मात्र लागेको तथ्य बाहिर आएको छ ।
नाम क्राईम काम भने पैसा असुली मात्र गर्ने गरेका ती प्रहरी जवान यादवले मुसहर्वा, मटियर्वा, दक्षिण झिटकहिया, सिम्रौनगढ, कचोर्वा, कलैया लगायत बोर्डर छेउछाई सहित सिमा नाका तथा छिमेकी जिल्ला पर्साको सदरमुकाम बिरगंज सम्म पुगेर तस्करहरुसंग लाखौको महिनवारी उठाउने गरेको स्रोतले जनाएको छ ।
मोमताज, धनीलाल, तमना, बिकास, अरबिन्द, मास्टर समुह, बासुदेव, बिरेन्द्र समुह, संजय समुहबाट ५ हजार देखि १ लाख सम्म महिनाबारी असुली गर्ने गरेको स्रोतले जनाएको छ ।
बाराका अधिकांश नाकाहरूबाट कपडा, सुर्ती, चाइनीज स्याउ, कुखुराको चल्ला, माछा र किराना आइटम, ब्रान्डेड चकलेटको व्यापक तस्करी हुने गरेको छ । बाराको नाकाबाट तस्करी गर्दा फाइदा हुने देखेर अन्य जिल्लाका तस्करहरू समेत कलैयामा डेरा जमाएर बस्ने गरेको स्रोत बताउँछ ।
संजय समुहको ३ वटा मोटरसाईकल, बिरेन्द्र समुहको ५ वटा मोटरसाईकलमा तस्करी भईरहेको छ । वरिष्ठ सई काफले र प्रहरी जवान यादवले तस्करहरुलाई लाईन दिएपछि दिनको १२ बजे देखि २ बजे खुल्मखुल्ला रुपमा जिल्लाको धर्म नगर भएर ब्याप्क रुपमा तस्करी गराई रहेको छ ।
तस्करहरु निर्वाध रुपमा तस्करीका समानहरु जिल्ला सदरमुकाम कलैया जिल्लाका अन्य ठाँउहरुहरु बरियापुर, गंजभवानीपुर, सिम्रौनगढ, कोल्हवी, निजगढ, जितपुर, सिमरा, प्रसौनी परवानीपुर लगायतका ठाँउहरुमा ती समानहरु बिक्री वितरण गरिरहेका छन ।
अमलेखगंजमा २ लाख, पथलैयामा ३ लाख, जीतपुरमा १ लाख, मुशहरवामा ३ लाख, छतवामा १ लाख, मटीअर्वामा १ लाख, पथलवाघाटमा ५० हजार, कचोर्वामा ५० हजार, खजानीमा ५० हजार, दक्षिण झिटकैयामा ५० हजार, बसतपुरमा ३० हजार, तेलकुवामा ५० हजार, लंगडा चौकमा ३० हजार, शिक्षा अफिसमा ५० हजार, बसपार्कमा ५० हजार, जोधपुर गम्हरियामा ३० हजार, बरियारपुरमा ५० हजार, गंजभवानीपुरमा ५० हजार, जैतापुरमा ५० हजार र डुम्बरवाना प्रहरी चौकीमा ३० हजार महिनावारी कायम गरेकोमा प्रहरी जवान यादवले त्यहाँका प्रहरी ईन्चार्जहरुबाट महिनवारी बुझेर प्रमुखलाई बुझाउने गरेको एक जुनियर प्रहरी अधिकृतले जनाकारी दिएका हुन ।
बरिष्ठ सई बिरगंजमा पनि करिब २ बर्ष क्राईममा बसेर असुली धँदामा लागेका पात्र हुन भने बारामा पनि करिब डेढ बर्ष क्राईममा बसेर आफना तलका प्रहरीहरुलाई परिचालन गरि लाखौ रुपैया असुल्न लगाएको पात्रका रुपमा परिचित रहेको हुन ।
प्रहरी जवान यादव एक पल्ट कार्यवाही खाएर पनि करिब १ बर्ष देखि जिल्लामा नै घुमुवा बसेर असुली धन्धा तिब्र पारेका पात्रको रुपमा परिचित रहेका छन ।
उनले ब्यापारीहरुलाई पनि धाधम्की दिई पैसा असुल्ने गरेका हुन एक ब्यपारीले दुखेसो गरे । पैसा दिनकका लागि आनाकानी गर्ने ब्यापारीहरुलाई फलसाउने धम्की समेत दिने गरेका हुन उनी ।
तस्करीमा मुझिएपछि प्रहरी जवान यादवलाई केही महिना अगाडी प्रहरी प्रधान कार्यालय काठमाडौमा तानेको हुदा समेत पावर लगाई मोटा रकम खर्चेर पुःन बारामा नै बस्ने सफल भएका उनी विवादित प्रहरी जवानको रुपमा विभागमा दर्ज भएको पात्र समेत बन्न पुगेका हुन ।
यस सम्बन्धमा बरिष्ठ सई काफले र प्रहरी जवान यादवसंग बुझदा आफुले पैसा असुल्ने नगरेको दावी गरे ।
