धनकुटा, १० जेष्ठ । धनकुटाको साँघुरीगढीबाट पिकअप गाडीसहित एक जना पक्राउ परेका छन् ।
धनकुटाको साँगुरीगढी गाउँपालिका वडा नम्बर २ सेलिङस्थित मोरङको सिमानाबाट शनिबाार बिहान पिकअपमा लोड भएको गाँजासहित एक जनालाई प्रहरीले नियन्त्रणमा लिएको हो ।
प्रहरी चौकी ओख्रेले बोलेरो पिकअपमा लोड भएको २९ बोराभित्र ८९० केजी लागु औषध गाँजासहित साँगुरीगढी गाउँपालिका वडा नम्बर २, बुढी मोरङका १९ वर्षीय उल्लास लिम्बूलाई नियन्त्रणमा लिइएको जिल्ला प्रहरी कार्यालय धनकुटाले जनाएको छ ।
धनकुटाको बुढी मोरङबाट मोरङको केराबारीतर्फ गाँजा ओसारपसार भइरहेको सूचनाको प्र १–०२–००२ च ५२३८ नम्बरको पिकअपसहित गाँजा नियन्त्रणमा लिएको प्रहरीले जनाएको छ ।
गाडीका चालक भने ड्युटीमा रहेका प्रहरी जवान सञ्जय कुमार थारुलाई धकेलेर लडाई हामफाली जंगलतर्फ भागेको प्रहरीले जनाएको छ । प्रहरी जवान थारुको लडेर अनुहार तथा शरीरका विभिन्न भागमा चोट लागेर घाइते भएका छन् ।
सोही क्रममा प्रहरीले को २९ प ९६३५ नम्बरको पल्सर मोटरसाइकल तथा ४ थान मोबाइल फोनसमेत बरामद बरामद गरेको छ ।
