जनकपुर, ५ जेठ । सिरहाबाट लागूऔषध र स्रोत नखुलेको ५५ लाख रकम र दुईसय ग्राम ब्राउनसुगरसहित दाजु बहिनीलाई प्रहरीले पक्राउ परेका छन् ।
लहान नगरपालिका २२ लबटोलीका २६ वर्षीया किरणकुमारी यादवबाट र उनका दाई ३२ वर्षीय दिनेशकुमार यादवलाई प्रहरीले पक्राउ गरेको छ ।
दुबैजनाको साथबाट ५५ लाख रुपैपाँ र दुई सय ग्राम ब्राउन सुगर बरामद गरेको जिल्ला प्रहरी कार्यालय सिरहाले पत्रकार सम्मेलन गरी सार्वजनिक गरेको छ ।
गत शुक्रबार साँझ ७ बजेको को ५ प ६९२७ नम्बरको पल्सर मोटरसाइकलमा हिँडिरहेको अवस्थामा चेकजाँच गर्दा उनीहरूका साथबाट २२.९० ग्राम ब्राउन सुगर र ५१ हजार ४५० रुपैयाँ बरामद गरेको थियो ।
त्यस क्रममा पक्राउ गरी केरकार गरेर उनीहरुको घर खानतलासी गर्दा थप १ सय ८० ग्राम ब्राउन सुगर, ५४ लाख १४ हजार २ सय ८५ नेपाली र ३५ हजार ७ सय ८० भारतीय रुपैयाँ बरामद भएको डिएसपी पासवानले बताए ।
साथै एक थान डिजिटल तराजु र ६ थान मोबाइल बरामद समेत बरामद भएको छ । दुबैजना लागूऔषध कारोबारी रहेको प्रारम्भिक अनुसन्धानबाट खुलेको प्रहरीले जनाएको छ ।
दिनेश यसअघि यसअघि ३ साउन २०८० मा ३.६ ग्राम ब्राउन सुगरसहित पक्राउ परेर ६ महिना जेल सजाय भुक्तान गरी ५ माघ २०८० मा छुटेका थिए ।
